In Summary
  • Timu za Arusha zimelazimika kuutumia Uwanja wa Ushirika Moshi kwa ajili ya mechi za Ligi Daraja la Kwanza na Pili baada ya wamiliki wa Sheikh

Arusha: Uongozi wa Timu ya Pepsi FC ya mjini hapa inayoshiriki Ligi Daraja la Pili (SDL) nao wamepeleka ombi lao kwa uongozi wa Uwanja wa Ushirika Mjini Moshi ili waweze kuutumia uwanja huo kwa michezo yao ya nyumbani kwenye ligi hiyo.

Meneja wa timu hiyo, Enock Nyongole alisema kuwa baada ya harakati zao kugonga mwamba walizokuwa wanataka kuzifanya ili kuhamia Morogoro katika Uwanja wa Jamhuri au Pwani katika Uwanja wa Mabatini.

“Baada ya uongozi kukaa tukaona hakuna sababu ya kuhamia mikoa hiyo kwani, timu zote tunazopambana nazo zipo ukanda wa Kaskazini isipokuwa Africans Sports ya Tanga, hivyo kwenda kwetu Morogoro au Pwani tungejiongezea gharama zisizo na maana,” alisema Nyongole.

Pepsi yenye Pointi mbili katika SDL baada ya kutoa sare ya bao 1-1 na Madini kisha na AFC Arusha itasafiri kuelekea mkoani Tanga mwishoni mwa wiki kukipiga na Africans Sports yenye p